लोकल

"प्लेटफोर्म क्र ४ वर येणारी पुढील लोकल,
८ वाजताची दादरला जाणारी जलद लोकल ..."
"अरे ऐकतोस काय गधड्या सूचना कान लावून
गाडी आली, सामान उचल आणि आत ढकल"

"अरे क्या करते हो चुतीया", "साला , पागल!!"
"आई गं", "माझा पाय", "वाचवा..", "माझी चप्पल!!"
"अरे यार क्या भीड है", "I tell you,
I'm gonna buy a new vehicle!!"

२ कोटींच्या मुंबापुरीत ही तर दैनंदिनी
परंतु सर्वांचा भार वाहते लोकल - मालवाहिनी
या लाखमोलाच्या वस्तूवर सर्वांचेच प्रेम नितांत
हिच्या समक्ष झाले कैकांचे उदय, नैकांचे अस्त.

तिच्याकडे नाही भेदभावी नजर
"चला लवकर", म्हणत करते मोठ्ठा गजर
हिला सर्व सारखेच, मनुष्यरूपी खेचर
मग तो असो बालक, युवा वा जराजर

गणपतीपेक्षा हीचे उदर मोठे
त्यावर करी निर्वाह चोर - भामटे
सामान्यांना सुरुवात जरा बिकट वाटे
पण सुगंधी गुलाबाला असणारच काटे

चणेल्यांपासून फळवाल्यांपर्यंत, खेळवाल्यांपासून भेळवाल्यांपर्यंत
याचकांपासून 'चारा'वाल्यांपर्यंत, पोलिशवाल्यापासून मालीश वाल्यापर्यंत
कर्जतपासून मुं.छ.शि.ट.पर्यंत , मुं.छ.शि.ट. पासून पनवेलपर्यंत
२४ x ७ हिला नाही उसंत.. कधी राहिली बंद तर सारे करिती खंत

सर्वांची लाडकी, अर्थातच खिडकी
नाही मिळाली ती तर, दरवाजा पकड की
नऊ सीटरची मधली जागा सगळ्यात रडकी
चौथ्या सीटच्या मोहात जो तो अडकी

मनोरंजनाचेही नाना उपाय
कोणी वाचे पेपर तर कोणी म्युसिकल होई
तीन पत्ती, भैरवीत होते थोडी कमाई
तर बोला जय विठ्ठल रखुमाई

दीडशे वर्षांची आहे हिची परंपरा
गाभ्यात दडला इतिहास सारा
वाचक मंडळी हिचा आदर करा
होऊ देऊ नका हिचा हाल बुरा..

- दिग्विजय देसाई © २०१३